उपलब्ध उपचार

• सौंदर्यवर्धक प्रक्रिया - Cosmetic Procedures

  • चेहऱ्यावरील सुरकुत्या

  
  
  

                  तारुण्याचा ध्यास हा अनादि व अनंत आहे. आपण चिरतरुण रहावे किंवा किमान तरुण दिसावे असे सर्वानांच वाटते. वार्धक्य जरी कोणाला चुकलेले नसले तरी वयपरत्वे येणाऱ्या शारीरिक वार्धक्याविरुद्ध निसर्गातील पंचमहाभूतांच्या प्रभावामुळे त्वचेचे वार्धक्य तरुणपणीच येऊ शकते याची बऱ्याच जणांना कल्पना नसते. त्याचाच दृश्य परिणाम म्हणून भुवयांच्या मध्ये उभ्या, कपाळावर आडव्या आणि डोळ्याच्या बाजूला स्पोक्स प्रमाणे दिसणाऱ्या आठ्या दिसायला चालू होते. यामागील कारणांमध्ये चेहऱ्याचे स्नायू जाड आणि अतिकार्यक्षम असणे आणि भावना व्यक्त करण्याच्या विशिष्ट सवयींमळे त्यांचा अतिवापर होणे हे सुद्धा एक प्रमुख कारण आहे. सौंदर्यशास्त्रातील नवनवीन शोधामुळे आता वर्हल्याच्या अशा पाऊलखुणा वेळीच मिटवता येणे शक्य झाले आहे. बोटॉक्स इंजेक्शनने हे स्नायू अंशतः कुंकुवात केले जातात, त्यामुळे आठ्यांचे जाळे नाहीसे होऊन चेहरा ताजातवाना आणि तरुण दिसतो. गुरुत्वाकर्षण वर्षानुवर्षे अविरतपणे चेहऱ्याचे स्नायू आणि त्वचेवर आपला प्रभाव गाजवीत असते, त्यामुळे उतार वयात चेहऱ्याच्या मधल्या भागातील स्नायू आणि त्वचा खाली ओघळते. तरुणाईला खाली निमुळता होत गेलेला चेहरा आधी चौकोनी आणि नंतर खाली रुंद होत जातो. अशा चेहऱ्याच्या मधल्या भागात ठराविक ठिकाणी त्वचेखाली स्वतःची चरबी वापरून हे कालचक्र काही अंशी मागे फिरवण्याची किमया आता साधली गेली आहे; परंतु चरबी हि त्वचेखालीच वापरता येत असल्याने त्वचेवरील सुरकुत्या आणि आठ्या नाहीशा करण्यासाठी मात्र तयार ' फिलर्स ' वापरावे लागतात . त्वचेच्या खालच्या थरापासून वरच्या थरापर्यंत वापरता येणारे 'फिलर्स' आता उपलब्ध असून त्यांचा वापर सुरक्षित आहे
  
  
  

      
  उपचार करण्यापूर्वी                                                                 उपचारा नंतर

• कॉस्मेटिक सर्जरी - Cosmetic Surgery

  • लायपोसक्शन
  • फेशिअल इम्प्लांट
  • पुरुषांतील स्तनवृद्धी
  • ब्रेस्ट रिडक्शन
  • ब्रेस्ट लिफ्ट & ब्रेस्ट एन्लार्जमेंट
  • डिम्पल आणि ब्युटी स्पॉट

  • ऍबडॉमिनल लिपोसक्शन
  • ऍबडॉमिनल कपात (Reduction)
  • मांडी कमी
  • नाक शस्त्रक्रिया
  • पापणीची शस्त्रक्रिया
  • ओठ शस्त्रक्रिया

• लेसर उपचार - Laser Treatments

  • अनावश्यक केस
  • गोंदण
  • हिमांजिओमा
  • तारुण्यपिटिका

  • तीळ, ल्हासे आणि जन्मखूणा
  • चामखीळ
  • काळे- तपकिरी ल्हासे
  • वांग




हॅन्ड सर्जरी (Plastic Surgery)





               




                     हात हा शरीराचा असा अवयव आहे कि जिथे अनेक स्नायू, नसा-शिरा आणि छोटी हाडे दाटीवाटीने बसवलेली आहेत हाताला लागलेल्या मारा नंतर जर शस्त्रक्रिया काळजीपूर्वक केली गेली नाही किंवा नंतरची फिजिओथेरपी व्यवस्थित केली नाही तर हाताचे कार्य पूर्ववत होत नाही. यावर मात म्हणून ' हॅन्ड सर्जरी ' या प्लास्टिक सर्जरीच्या दुसऱ्या उपशाखेचा उगम झाला. यात हाताची जन्मजात असलेली जास्तीची बोटे काढणे किंवा चिकटलेली बोटे सुटी करणे, कारखान्यात किंवा शेतात मार लागलेल्या हातावर इमर्जन्सी सर्जरी करून तुटलेल्या नसा आणि शिरा जोडणे हे केले जाते. शरीरापासून तुटलेले हात आणि बोटे हि मायक्रो सर्जरीने पूर्ववत जोडली जातात. इतकेच काय तर किडनी ट्रान्सप्लांट सारखे दात्याकडून घेतलेला हात ट्रान्सप्लांट केला गेला आहे.