अनावश्यक केस

स्त्री पुरुष दोहोंच्या शरीराच्या कोणत्याही भागावरील नको असलेले केस आता लेसरने कायमस्वरूपी समूळ नष्ट करता येतात केशमूळांतील काळ्या रंगाच्या मेलॅनिनमध्ये लेसर लहरी शोषल्या जातात. तेथील तापमान ७० अंश सेल्सिअस पर्यंत वाढल्याने केस तयार करणाऱ्या पेशींचं नष्ट होतात.

    

गोंदण

               क्षणिक भावनावेगाची कायमची स्मुती !

                     तरुणाईतील जोश, मित्र-मैत्रिणींचा आग्रह, प्रेमातील आणाभाका किंवा रूढी म्हणून कपाळ, हनुवटी, हात, दंड, तसेच छातीवर गोंदवून घेतात.कालांतराणे त्यांच्या शैक्षणिक आणि आर्थिक दर्जा उंचावल्यामुळे हि गोंदाने त्यांना एखाद्या शल्यासारखी सतत बोचत राहतात. ती घालवण्याच्या प्रयत्नात मग चुना पापडखार लावणे, सुयांनी टोचणे आणि उदबत्तीने डागणे यासारखे अघोरी प्रकार केले जातात. परंतु त्यामुळे गोंदण परवडले पण मागे राहिलेला व्रण नको, असे म्हणण्याची वेळ त्यांच्यावर येते.

                     गोंदण घालविणे हे म्हणावे तितके सोपे नसते, कारण कायमचे रहावे म्हणूनच तर गोंदवून घेतात. गोंदविताना कार्बन कण, शाई आणि रंगाचे मिश्रण अणकुचीदार सुयांच्या सहाय्याने त्वचेत टोचतात. सुया आत जाणारे मार्ग भरून आल्यानंतर रंगीत कण त्वचेत खोलवर रुतून बसतात. या कणांचा आकार मोठा असल्याने शरीरातील उत्सर्जनाचे कार्य करणाऱ्या पेशी त्यांना काढून टाकू शकत नाहीत ; प्लास्टिक सर्जेरीने लहान आकाराची गोंदणे काढता येतात; परंतु त्यामुळे लहान का असेना, व्रण हा मागे राहतोच. आता मात्र लेसरमुले या सर्व अडचणीवर मात केली आहे. नॅनो तंत्राच्या क्यु- स्विच्ड लेसरने तपकिरी - काळे ल्हासे आणि जन्मखूणा पूर्णपणे काढता येतात. चेहऱ्यावर डोळ्याभोवतालचा भाग व्यापणारा आणि त्वचेत सर्वात खोलवर असलेला ' निव्ह्स ऑफ ओटा ' साठी तर या लेसरला पर्याय नाही . इतकेच न्हवे तर ज्यांना आपली कांती उजळ करावीशी वाटते त्यांच्यासाठी 'स्किन लाईटनिंग' हा पर्याय उपलब्ध असून त्यांच्या प्रत्येक सिटींग्सगणिक ती अधिकाधिक उजळ होत जाते.

    

    

पिंपल्सचे खड्डे आणि व्रणांसाठी लेसर उपचार

                     त्वचा हे बाह्य आवरण असल्याने प्रथमदर्शनी चटकन नजरेत भरते. नितळ त्वचा म्हणजे जिच्यावर पिंपल्स, खड्डे, ओपन पोअर्स, व्रण किंवा एकही डाग नाही अशी स्मूथ स्किन. मग ती कोणत्याही रंगाची असली तरी छानच दिसते. जर ती तशी नसेल, तर मात्र आता लेसरच्या माध्यमातून प्रयत्न करणे शक्य आहे. पिंपल्सच्या खड्ड्यांसाठी आजगायत विनाशस्त्रक्रिया परिणामकारक असा उपचार नव्हता. परंतु लेसरमधील 'फ्रॅक्शनेशन' तंत्राच्या शोधामुळे आता ते शक्य झाले आहे . फ्रॅक्शनेशन म्हणजे विभागाणे . यात सीओटू लेसरचा बीम केसांपेक्षाही बारीक अशा शेकडो सूक्ष्म किरणात विभागला जातो स्कॅनरच्या सहाय्याने त्यांची संख्या आणि त्वचेत उतरण्याची खोली ठरवता येते. एका चौरस सेंटीमीटर मध्ये असे २४ पासून ६१८ सूक्ष्म किरण घेऊन खोल खड्ड्यांसाठी मध्यापर्यंत आणि ओपन पोअर्ससाठी त्वचेच्या वरच्या थरापर्यंत पोहोचणारी सूक्ष्मतम छिद्रे पडली जातात. या छिद्रांना त्वचेतील सूक्ष्म जखमा समजून त्या भरण्याची नैसर्गिक प्रक्रिया शरीराकडून लगेचच सुरु होते या प्रक्रियेत अंत:त्वचेच्या थरात कोलॅजनची निर्मिती झाल्याने प्रत्येक ट्रीटमेंट नंतर खड्ड्यांची तीव्रता कमी कमी होत जाऊन खड्डे आणि व्रण पुसटसे होतात तसेच त्वचेचा खरबरीतपणा कमी होऊन ओपन पोअर्स नाहीशी होऊन त्वचा नितळ आणि स्मूथ होते

        

तीळ, ल्हासे आणि जन्मखूणा

                     आपल्या त्वचेला रंग त्यातील 'मेलॅनिन' नावाच्या रंगद्रव्यामुळे मिळतो , ज्याची निर्मिती त्वचेतील मेलॅनोसाइट पेशीमध्ये होते. या मेलॅनोसाइट पेशिंचा अतिरिक्त संचय झाला म्हणजे तीळ, ल्हासे आणि जन्मखूणा तयार होतात. तीळ आणि ल्हासे जन्मावेळी किंवा नंतर कोणत्याही वयात उद्भवू शकतात आणि ते त्वचेच्या कोणत्या थरात आणि शरीराच्या कोणत्या भागावर आहेत यावरून त्त्यांचे प्रकार पडतात आणि त्यांना नावे दिलेली आहेत. बाह्य त्वचेतील ल्हासे हे सहसा फिकट किंवा गडद तपकिरी रंगाचे असतात आणि त्यांच्या कसा आखल्यासारख्या स्पष्ट ओळखता येतात आंतरत्वचेतील ल्हासे काळपट किंवा निळसर असतात आणि ते कडेला अस्पष्ट होत जातात. तिळाचा किंवा ल्हाश्याचा गडदपणा हा त्यातील रंग-द्रव्याचा घनतेवर अवलंबून असतो. तसेच काही ल्हाशांवर जन्मतःच केस असतात तर काहींवर ते पौगंडावस्थेत येतात. फक्त रंग गडद आहे म्हणू प्लास्टिक सर्जरीने ल्हाश्याच्या ठिकाणची त्वचा बदलणे म्हणजे त्वचेवर अन्याय करण्यासाखे आहे आणि तसे केले तरी ते त्वचेला ठिगळ लावल्यासारखे दिसते. न पसरणारा ल्हासा जरी म्हंटल, तरी तो जिवंत पेशींनी बनलेला असतो. त्वचेत इतरत्र होते तशी पेशींची उलाढाल तेथेही सतत सुरु असते. लेसर आणि नॅनो तंत्रातील प्रगतीमुळे तयार झालेल्या ' क्यू-स्विच्ड' लेसरने या मेलॅनोसाइट पेशींचा अचूक नाश आणि तेही बाजूंच्या पेशींना इजा न पोहोचविता करणे शक्य झाले आहे. यामुळे ल्हासे आणि तीळ फिक्कट फिक्कट होत काही सिटीग्जमध्ये पूर्णपणे नाहीसे होतात. आणि तेथे त्वचेवर कोणताही डाग अथवा व्रण मागे राहत नाही.

        

चामखीळ

                     बाह्यत्वचेतील पेशींची वाढ झाल्याने चामखीळ, स्किन टॅग्स आणि व्हायरल वाँर्टस तयार होतात. मान,चेहरा आणि काखेत तसेच उतारवयात आणि स्थूल प्रकृतीच्या व्यक्तीमध्ये ते जास्त आढळतात. रेडिओ फ्रीक्वन्सी किंवा सीओटू लेसरने ते विनाकष्ट एकाच सिटिंगमध्ये अलगदपणे काढले जातात

    

काळे- तपकिरी ल्हासे

                     गडद रंगाच्या ल्हाश्यांना पूर्वी इलाज नसल्याने जन्मखूण म्हणून ते जन्मभर अंगावर वागवले जात असत. आय पी एल, क्यू स्वीच्ड किंवा फ्रॅक्शनल सीओटू लेसरने असे ल्हासे त्वचेला कोणतीही इजा न करता किंवा मागे कोणताही डाग राहू न देता काही सिटीन्ग्समध्ये कायमचे काढता येतात. चेहऱ्यावर डोळ्याभोवतालचा भाग व्यापणारा आणि त्वचेत खोलवर असणारा 'निव्ह्स ऑफ ओटा' काढण्यासाठी तर 'क्यू स्वीच्ड' लेसर ला पर्याय नाही. त्याच प्रमाणे टीन एजर्समध्ये खांद्याच्या मागे पुढे दिसणारा 'बेकर' चा ल्हासा आणि अगदी फिकट तपकिरी ' कॅफे ओले मॅक्युल' सुद्धा या लेसरने काढले जातात.

        

वांग

                     मध्यम वयाच्या स्त्रियांच्या गालावर, नाक तसेच ओठ आणि भुवयांच्या वरच्या बाजूला जर तपकिरी डाग उठले तर तो वांग असण्याची शक्यता जास्त असते. त्वचेतील हे अतिरिक्त मेलॅनिन कमी करणारी क्रीम आणि सनस्क्रीनच्या जोडीला जर लेसरचा वापर केला तर वांग पूर्णपणे जाऊ शकतो. नंतर मात्र तो परत उदभवू नये म्हणून नेहमी सनस्क्रिनचा वापर आणि उन्हापासून त्वचेचे संरक्षण करणे महत्वाचे ठरते.